Вингер Антуан Семеньо "Борнмут"дан ўтганидан бир ой ўтиб, "Манчестер Сити" ҳақидаги таассуротлари билан ўртоқлашди.
"Ҳамма жуда хушмуомала. Бу ерда ажойиб муҳит ҳукм сурмоқда. Биз ўзимизни азиз меҳмонлардек ҳис қиламиз, шунчаки ўзимиз билан ўзимиз бўла оламиз. Бу чемпионлар муҳити.
Дунёнинг энг яхши футболчилари билан ўйнаш ва дунёнинг энг яхши мураббийларидан бири қўл остида ишлаш - бу менинг ўйинимни янги босқичга олиб чиқади", - деди Антуан Семеньо.
Футболчи "шаҳарликлар" сафида 6 та ўйинда майдонга тушиб, 4 та гол урган ва 1 та голли узатмани амалга оширган.
