"Челси" бош мураббийи Лиам Росеньор Лига кубоги доирасида "Арсенал"га қарши кечган ўйинда тўпга яхши ишлов берилмаганини эслади.

"Кўклар" устози ўзи томон учиб келаётган тўпни техник жиҳатдан қабул қилишга уриниб кўрди, бироқ бу ўта муваффақиятсиз чиқди. Ушбу эпизод акс этган видео тармоқларда машҳур бўлиб кетди ва журналистлар ҳатто Росеньордан матбуот анжуманида ушбу воқеадан сўнг ўз устида ишлаяптими, деб сўрашди.

"Йигитлар ўша лаҳзани эслашди, биргаликда кулишдик. Эстевао энди менинг профессионал футболчи бўлганимга умуман ишонмаяпти", - деди лондонликлар устози "Вулверхэмптон"га қарши ўйин олдидан.

Лиам Росеньор январь ойида Энцо Мареску ўрнига ўз лавозимини эгаллаганди.