"Chelsi" bosh murabbiyi Liam Rosenyor Liga kubogi doirasida "Arsenal"ga qarshi kechgan o‘yinda to‘pga yaxshi ishlov berilmaganini esladi.

"Ko‘klar" ustozi o‘zi tomon uchib kelayotgan to‘pni texnik jihatdan qabul qilishga urinib ko‘rdi, biroq bu o‘ta muvaffaqiyatsiz chiqdi. Ushbu epizod aks etgan video tarmoqlarda mashhur bo‘lib ketdi va jurnalistlar hatto Rosenyordan matbuot anjumanida ushbu voqeadan so‘ng o‘z ustida ishlayaptimi, deb so‘rashdi.

"Yigitlar o‘sha lahzani eslashdi, birgalikda kulishdik. Estevao endi mening professional futbolchi bo‘lganimga umuman ishonmayapti", - dedi londonliklar ustozi "Vulverxempton"ga qarshi o‘yin oldidan.

Liam Rosenyor yanvar oyida Enso Maresku o‘rniga o‘z lavozimini egallagandi.