«Манчестер Сити»да испаниялик мутахассис Хосеп Гвардиола жамоа бошқарувида камида 2027 йилнинг ўрталаригача қолишига ишонишмоқда. Шу муносабат билан «шаҳарликлар» мураббий учун янги футболчиларни сотиб олишга қарор қилишди.

«The I paper» нашри хабарига кўра, Манчестер клуби келаётган ёзда Эллиот Андерсон («Ноттингем Форест»), Майкл Кайоде («Брентфорд») ва Гивайро Рид («Фейеноорд»)ни ўз сафига қўшиб олишни ният қилган.

Премьер-лиганинг 24 туридан сўнг Гвардиола шогирдлари 47 очко билан турнир жадвалида иккинчи ўринни эгаллаб туришибди ва пешқадам «Арсенал»дан олти очкога ортда қолмоқдалар. «Шаҳарликлар» навбатдаги ўйинни сафарда «Ливерпуль»га қарши ўтказадилар.