«Челси» футболчиси Коул Палмер жамоанинг янги бош мураббийи Лиам Росеньор ҳақида ўз фикрларини билдирди.
«Кўклар» янги устоз қўл остида тўққизта ўйиндан еттитасида ғалаба қозонишди, Премьер-лига доирасида эса барча тўртта учрашувни ўз фойдаларига ҳал қилишди. Шанба куни лондонликлар Палмернинг хет-триги эвазига сафарда «Вулверхэмптон»ни мағлуб этишди (3:1).
«Росеньор қўл остида ўйнаш — шунчаки ҳайратланарли, у бизга катта ишонч бағишламоқда. Мураббий бизга эркин ўйнашга имкон беради, ҳар ким майдонда ўзлигини кўрсата олади», – деди «бўрилар» билан баҳс қаҳрамонига айланган юлдуз ярим ҳимоячи BBC телеканалига берган интервьюсида.
