«Chelsi» futbolchisi Koul Palmer jamoaning yangi bosh murabbiyi Liam Rosenyor haqida o‘z fikrlarini bildirdi.
«Ko‘klar» yangi ustoz qo‘l ostida to‘qqizta o‘yindan yettitasida g‘alaba qozonishdi, Premyer-liga doirasida esa barcha to‘rtta uchrashuvni o‘z foydalariga hal qilishdi. Shanba kuni londonliklar Palmerning xet-trigi evaziga safarda «Vulverxempton»ni mag‘lub etishdi (3:1).
«Rosenyor qo‘l ostida o‘ynash — shunchaki hayratlanarli, u bizga katta ishonch bag‘ishlamoqda. Murabbiy bizga erkin o‘ynashga imkon beradi, har kim maydonda o‘zligini ko‘rsata oladi», – dedi «bo‘rilar» bilan bahs qahramoniga aylangan yulduz yarim himoyachi BBC telekanaliga bergan intervyusida.
