«Манчестер Сити» сафида тўп тепаётган испаниялик ярим ҳимоячи Родри Мадриднинг «Реал» клуби қизиқишлари доирасида бўлиб турибди. Бу ҳақда «Teamtalk» журналистлари хабар бермоқда.
Манбанинг маълум қилишича, «қироллик» клуби раҳбарияти жамоада ҳақиқий етакчи йўқлигидан норози. Клуб мутасаддилари «Олтин тўп»нинг 29 ёшли соҳиби зарур фазилатларга эга ва жамоани ўз ортидан бошлай олади, деб ҳисоблашмоқда.
Родри 2019 йилнинг ёзидан буён «Манчестер Сити» шарафини ҳимоя қилиб келмоқда. Томонлар ўртасидаги амалдаги меҳнат шартномаси 2027 йилнинг июнь ойи охирида якунига этади. Ярим ҳимоячининг трансфер қиймати 75 миллион еврога баҳоланмоқда.
