"Атлетико" бош мураббийи Диего Симеоне Ла Лига 23-туридан ўрин олган "Бетис"га (0:1) қарши ўйиндаги мағлубият сабаблари ҳақида гапирди.
"Биз жуда тартибли ва интизомли мудофаани очолмадик. Рақиб ҳимояда ажойиб иш бажарди. Гап хоҳишнинг йўқлигида, ўзини бағишламасликда, ишламасликда эмас. Жуда сифатли ўйнаган "Бетис" ҳимоясини қандай қилиб бўшаштиришни тушуниш учун бизга аниқлик етишмади.
Бизда шунчаки голли вазиятлар бўлмади. Рақиб ажойиб ҳимояланди, қарши ҳужумга ўтди, биз эса хавфли вазиятлар яратмадик ва финал босқичида етарлича аниқ ҳаракат қилмадик. Рақибни табриклаб, ишлашда давом этиш керак", - деди Симеоне.
