Бойкот фонида Криштиану Роналдунинг ёзда "Ан-Наср"ни тарк этиши ҳақидаги хабарлар тарқалди. "The Sun" нашрида чоп этилган мақолада юлдуз португалиялик фаолиятини давом эттириши мумкин бўлган бешта клуб номи келтирилди.

Улардан тўрттаси аввалроқ матбуотда тилга олинган эди — булар "Ал-Ҳилол", "Манчестер Юнайтед", "Спортинг" ва "Интер Майами". Бироқ бешинчи вариантни кутилмаган деб ҳисоблаш мумкин.

Манбанинг хабар беришича, 41 ёшли Роналду "Комо" таркибини тўлдириши мумкин. Таъкидланишича, ушбу клубга эгалик қилувчи индонезиялик миллиардерлар Криштиануга муносиб шартнома таклиф қилиш имкониятига эга.

Эслатиб ўтамиз, Криштиану Роналду аввалроқ А Серияда "Ювентус" шарафини ҳимоя қилган.