"Манчестер Юнайтед" бош мураббийи Майкл Кэррик ноодатий соч турмагига эга мухлис ҳақида билишини маълум қилди.
"МЮ" мухлиси Френк Иллетт манкунианликлар кетма-кет бешта ғалабага эришмагунча сочини олдирмасликка ваъда бергани билан машҳур бўлди. Ваъда 2024 йил 5 октябрда берилган эди, аммо "МЮ" ҳалигача бу вазифани бажара олмади. Мухлис 493 кундан бери соч олмайди.
Ҳозирча "Манчестер Юнайтед" кетма-кет 4 ўйинда ғалаба қозонди. Бугун жамоа сафарда "Вест Хэм" билан куч синашади.
"Мен бу воқеадан хабардорман, ҳа. Болаларим мени ишнинг бориши билан таништиришди. Аммо бу профессионал даражада жамоада муҳокама қилинмаслиги аниқ.
Нима бўлаётганини тушунаман, бу кулгили, аммо охир-оқибат бу бизга таъсир қилмайди", - деди Кэррик.
