"Наполи" Италия кубоги чорак финалида "Комо"га имкониятни бой бериб қўйди. Учрашув 1:1 ҳисобида якунланган бўлса, пенальтилар сериясида Сеск Фабрегас жамоаси аниқроқ ҳаракат қилди - 7:6.
"Ҳакамлик ҳақида гапиравериш керак эмас. Бу ҳакамлар иши бўйича энг яхши мавсум эмас, аммо умид қиламанки, вазият яхшиланади.
Жамоамга тан бериш керак. Ўн кун дам олган ва жароҳатлар муаммоси бўлмаган "Комо"га қарши туриш осон бўлмади. Биз ҳозирда мавжуд ресурсларни ҳисобга олган ҳолда ҳали ҳам яхшимиз", - деди Конте Sport Mediaset нашрига берган интервьюсида.
А Серияда "Наполи" пешқадам "Интер"дан 9 очко ортда қолиб, 3-ўринда бормоқда.
