«Ливерпуль» Англия чемпионатининг 26-тури доирасида сафарда «Сандерленд» устидан 1:0 ҳисобида ғалаба қозонди. Учрашув Сандерленддаги «Стэдиум оф Лайт» стадионида бўлиб ўтди.
Биринчи бўлимда дарвозалар дахлсизлиги сақланиб қолди. Ўйиннинг 61-дақиқасида ҳимоячи Вирджил ван Дейк Муҳаммад Салоҳнинг узатмасидан сўнг ҳисобни очди. Ушбу гол баҳсда ягоналигини сақлаб қолди ва «қизиллар»га муҳим уч очкони тақдим этди.
Ушбу ғалабадан кейин «Ливерпуль» очколари сонини 42 тага етказиб, АПЛ турнир жадвалида 6-ўринни эгаллаб турибди. «Сандерленд» эса 36 очко билан 11-поғонадан жой олган.
Англия Премьер-лигаси. 26-тур | 12 февраль | «Stadium of Light» (Сандерленд)
Сандерленд — Ливерпуль — 0:1
Гол: ван Дейк, 61 (0:1).
Сандерленд: Руфс, Баллард, Альдерете (Гертрейда, 80), Мандава, Мукьеле, Садики, Ле Фе, Диарра (Изидор, 90+2), Ангуло (Тальби, 80), Хьюм (Мандл, 80), Бробби.
Ливерпуль: Алиссон, ван Дейк, Конате, Робертсон, Эндо (Гомес, 69), Макаллистер, Гравенберх, Вирц, Гакпо (Джонс, 75), Салоҳ, Экитике (Кьеза, 88).
Огоҳлантириш: Мандава, 24.
