«Ливерпуль» сардори Вирджил ван Дейк Англия чемпионатининг 26-тури доирасида «Сандерленд» устидан қозонилган ғалаба (1:0) ҳақида ўз фикрларини билдириб ўтди.

«Ажойиб ғалаба, жуда қизиқарли ва мураккаб майдонда оғир меҳнат қилдик. Энди тикланиб олишимиз ва дам олиш кунлари яна майдонга тушишимиз керак. Бугун Сандерлендда кўрсатган ўйинимиз билан уч очкога лойиқ эдик.

Менимча, «Сандерленд» бу мавсумда уларни мағлуб этиш қанчалик қийинлигини кўрсатиб қўйди ва бу уларнинг катта ютуғи — улар меҳнаткаш жамоа. Ғалаба қозониш ва дарвозамиз дахлсизлигини сақлаб қолиш ёқимли бўлди. Биз учун яхши ўйин. Йигитларим билан фахрланаман, чунки улар астойдил меҳнат қилишди», — дея ван Дейкнинг сўзларини келтирмоқда BBC.

«Ливерпуль» 42 очко жамғариб, АПЛ турнир жадвалида 6-ўринни эгаллаб турибди. «Сандерленд» эса 36 очко билан 11-поғонада қолмоқда.