«Манчестер Сити» вингери Антуан Семеньо Премьер-лига турнир жадвалида пешқадамлик қилаётган «Арсенал» билан чемпионлик пойгаси ҳақидаги саволга жавоб берди.
Чоршанба куни «шаҳарликлар» ўз майдонида «Фулхэм»ни 3:0 ҳисобида мағлуб этишди. Ушбу ғалабадан сўнг «канонирлар» билан орадаги фарқ 3 очкогача қисқарди. Бироқ Микель Артета шогирдлари пайшанба куни «Брентфорд» устидан ғалаба қозонса, фарқни яна 6 очкога етказиб олишлари мумкин.
«Арсенал»нинг ўйинини кутамиз. Эртага уларнинг «Брентфорд»га қарши баҳсини албатта томоша қиламан. Умид қиламизки, ҳаммаси бизнинг фойдамизга ҳал бўлади», — деди TNT Sports телеканалига берган интервьюсида Семеньо.
Эслатиб ўтамиз, айнан Антуан Семеньо «Фулхэм» билан ўйинда ҳисобни очган эди. Чемпионат якунигача яна 12 тур қолди.
