«Ливерпуль» ярим ҳимоячиси Флориан Вирц «Сандерленд»га қарши кечган баҳсдаги (1:0) ўз иштироки борасида фикр билдирди.

Германиялик футболчи учрашувда финал ҳуштаги чалингунга қадар ҳаракат қилди, бироқ самарали ҳаракатларни амалга ошира олмади.

«Мен яхши ўйнадим. Бир нечта яхши вазиятлар бўлди, аммо у қадар омадли чиқмаган вазиятлар ҳам бор эди. Мен имкониятлар яратишга ҳаракат қилдим. Энг муҳими — биз ғалаба қозонишга муваффақ бўлдик», — деди Вирц ўйиндан кейин ОАВ вакиллари билан суҳбатда.

Учрашувдаги ягона гол муаллифи сардор Виржил ван Дейк бўлди. У 61-дақиқада Муҳаммад Салоҳ томонидан етказиб берилган тўпни рақиб дарвозасига жойлаб қўйди.

Шанба куни Арне Слот шогирдлари Англия Кубоги доирасида ўз майдонларида «Брайтон»ни қабул қилишади.