«Ювентус» 25 ёшли бельгиялик ҳужумчи Лоик Опендани, агар мавсумни 10-ўриндан паст бўлмаган поғонада якунласа, сотиб олишга мажбур бўлади. Футболчининг ҳуқуқлари Германиянинг «РБ Лейпциг» клубига тегишли.

Ҳозирда «Ювентус» турнир жадвалида тўртинчи ўринда бормоқда ва унинг кучли ўнталикдан тушиб кетиш эҳтимоли жуда паст. Бу эса клуб 40,6 миллион евро тўлаши кераклигини англатади.

«Calciomercato» хабарига кўра, жамоа бош мураббийи Лучано Спаллетти барча мусобақаларда 31 та ўйинда майдонга тушиб, бор-йўғи 2 та гол урган ҳужумчининг ўйинидан унчалик мамнун эмас. Катта эҳтимол билан «Ювентус» ёзги трансфер ойнасида футболчини сотиб юборишга ҳаракат қилади.

Маълумот учун, Опенда илгари «Ланс», «Витесс» ва «Брюгге» клубларида тўп сурган. Бельгия терма жамоаси сафида эса 27 та ўйинда 3 та гол урган.