Англия терма жамоаси устози Томас Тухель ўз келажаги борасида бир қарорга келди. Инсайдер Бен Жейкобснинг ижтимоий тармоқларда хабар беришича, германиялик мутахассис миллий жамоа билан амалдаги келишувини 2028 йилгача узайтириш ниятида.

Томонлар ўртасидаги янги шартнома ҳақида яқин вақт ичида расман эълон қилиниши мумкин. Тухелнинг ҳозирги шартномаси 2026 йилги Жаҳон чемпионати якунида ўз ниҳоясига етиши керак эди.

Аввалроқ матбуотда германиялик мураббийга Премьер-лиганинг икки клуби — "Манчестер Юнайтед" ва "Ньюкасл" томонидан қизиқиш борлиги ҳақида хабарлар тарқалган эди.

Эслатиб ўтамиз, Томас Тухель қўл остида Англия терма жамоаси 2026 йилги мундиал йўлланмасини қўлга киритди.