"ПСЖ" бош мураббийи Луис Энрике ҳимоячи Иля Забарний клубга мослаша олмаётгани ҳақида гапирди.
"Биз ўзимиз билан шартнома имзолаётган футболчиларни танлашга жуда эҳтиёткорлик билан ёндашамиз, ҳар бир ўйинчига мослашиш учун ўз даври керак бўлади. Ёзда қўлга киритган футболчиларимизнинг ҳолатидан хавотир олмаяпман. Одатда уларга етарлича ўйин амалиёти берилади, аммо ҳозир бизда ўйинлар камроқ, чунки биз Франция кубогида мағлуб бўлдик. Ўйинчилар исталган вақтда ўйнашга тайёр бўлишлари керак. Ишончим комилки, Забарнийда ва камроқ ўйнайдиган бошқаларда ўйин вақти бўлади", - дея Энрикенинг сўзларини келтиради RMC Sport.
Жорий мавсумда футболчи клуб сафида барча мусобақаларда 24 та ўйинда майдонга тушиб, битта гол урган.
