"PSJ" bosh murabbiyi Luis Enrike himoyachi Ilya Zabarniy klubga moslasha olmayotgani haqida gapirdi.

"Biz o‘zimiz bilan shartnoma imzolayotgan futbolchilarni tanlashga juda ehtiyotkorlik bilan yondashamiz, har bir o‘yinchiga moslashish uchun o‘z davri kerak bo‘ladi. Yozda qo‘lga kiritgan futbolchilarimizning holatidan xavotir olmayapman. Odatda ularga yetarlicha o‘yin amaliyoti beriladi, ammo hozir bizda o‘yinlar kamroq, chunki biz Fransiya kubogida mag‘lub bo‘ldik. O‘yinchilar istalgan vaqtda o‘ynashga tayyor bo‘lishlari kerak. Ishonchim komilki, Zabarniyda va kamroq o‘ynaydigan boshqalarda o‘yin vaqti bo‘ladi", - deya Enrikening so‘zlarini keltiradi RMC Sport.

Joriy mavsumda futbolchi klub safida barcha musobaqalarda 24 ta o‘yinda maydonga tushib, bitta gol urgan.