Англия Премьер-лигасининг 26-тури доирасида «Арсенал» меҳмонда «Брентфорд»ни мағлуб эта олмади. Учрашув 1:1 ҳисобидаги дуранг билан якунланди.

«OptaJoe» хабарига кўра, бутун ўйин давомида «асаларилар» 1,35 xG тўплашга муваффақ бўлишган, «тўпчилар» эса бор-йўғи 0,6 xG қайд этишган. Таъкидланишича, «Арсенал»нинг кутилаётган голлар фарқи (-0,75) жамоа учун ушбу мавсумда барча мусобақаларни ҳисобга олганда энг ёмон кўрсаткич бўлди.

26 турдан сўнг «Арсенал» 57 очко билан Англия чемпионати турнир жадвалида пешқадамликни давом эттирмоқда. 53 очко жамғарган «Манчестер Сити» иккинчи ўринда бормоқда.

Кейинги турда Микель Артета шогирдлари 18 февраль куни сафарда «Вулверхэмптон»га қарши майдонга тушишади.