Angliya Premyer-ligasining 26-turi doirasida «Arsenal» mehmonda «Brentford»ni mag‘lub eta olmadi. Uchrashuv 1:1 hisobidagi durang bilan yakunlandi.

«OptaJoe» xabariga ko‘ra, butun o‘yin davomida «asalarilar» 1,35 xG to‘plashga muvaffaq bo‘lishgan, «to‘pchilar» esa bor-yo‘g‘i 0,6 xG qayd etishgan. Ta’kidlanishicha, «Arsenal»ning kutilayotgan gollar farqi (-0,75) jamoa uchun ushbu mavsumda barcha musobaqalarni hisobga olganda eng yomon ko‘rsatkich bo‘ldi.

26 turdan so‘ng «Arsenal» 57 ochko bilan Angliya chempionati turnir jadvalida peshqadamlikni davom ettirmoqda. 53 ochko jamg‘argan «Manchester Siti» ikkinchi o‘rinda bormoqda.

Keyingi turda Mikel Arteta shogirdlari 18 fevral kuni safarda «Vulverxempton»ga qarshi maydonga tushishadi.