Матбуотда Юрген Клоппнинг Мадриднинг "Реал" клуби бош мураббийи лавозимига тайинланиши мумкинлиги ҳақидаги хабарлар муҳокама қилинмоқда.
Немис мутахассиси мавсум якунида ўз лавозимини тарк этиши кутилаётган Альваро Арбелоанинг ўрнини эгаллаши мумкин бўлган номзодлардан бири сифатида кўрилмоқда. Журналист Экрем Конурнинг хабар беришича, агар "Ливерпуль"нинг собиқ устози келаётган ёзда "қаймоқранглилар" бошқарувини қўлга олса, ҳужумчи Родриго ва ярим ҳимоячи Эдуардо Камавингани сотиб юборишни талаб қилади.
Бразилиялик футболчи клубдан кетмоқчи эмас, бироқ янги мураббийнинг режаларига кирмаса, муҳитни ўзгартириш имкониятини кўриб чиқиши мумкин. 25 ёшли футболчининг "Transfermarkt" порталидаги қиймати 60 млн еврони ташкил этади. Камавинганинг нархи эса 50 млн еврога баҳоланган.
