"Астон Вилла" УEФАнинг молиявий қоидаларини бузгани учун жаримага тортилиши мумкин, деб ёзади "The Times" нашри.
Тахмин қилинишича, клуб кетма-кет иккинчи йил УEФАнинг таркиб учун харажатлар борасидаги қоидасини бузган. Ушбу қоидага кўра, агар клубнинг ўйинчилар маоши, трансферлар ва агентлар учун сарфлаган харажатлари унинг даромадидан 70 фоиздан ошиб кетса, жарима белгиланади.
2025 йилнинг июль ойида Бирмингем клуби таркиб учун харажатлар лимитини (ўша пайтда даромаднинг 80 фоизи этиб белгиланган эди) ошириб юборгани учун 6 миллион евро миқдорида жаримага тортилган эди.
2025/26 йилги мавсумдан бошлаб ушбу лимит 70 фоизгача туширилди.
"Астон Вилла"нинг жорий мавсумдаги даромадлари ўтган йилгига нисбатан еврокубоклардаги иштирок туфайли камайган: бу мавсумда клуб Европа Лигасида ўйнамоқда, ўтган мавсумда эса мукофот пуллари анча юқори бўлган Чемпионлар Лигасида иштирок этган эди.
Шу билан бирга, "Астон Вилла" УEФА билан тузилган клуб даромадларига оид бошқа келишувни бузмагани қайд этилган.
