"Нефтчи" сафида ўтган мавсумдан буён фаолият олиб борган ва чемпионлик йўлида муносиб ҳисса қўшган легионер ҳужумчи Силванус Нимелй, шунингдек мавсум бошида фарғоналиклар сафига келиб қўшилган вингер Фарҳод Соҳибжонов янги мавсумни ижара асосида “Қўқон-1912” жамоасида ўтказадиган бўлди.
Мазкур ижара келишуви уч томон — футболчилар ва иккала жамоа учун ҳам манфаатли ҳисобланади. Бу қарор ўйин амалиётини ошириш, тажриба тўплаш ва келгусида янада кучлироқ бўлиб қайтиш учун муҳим қадамдир.
«Футболчиларимизга янги жамоасида омад, муваффақият ва ёрқин ўйинлар тилаб қоламиз!», - дейилади "йўлбарслар" матбуот хизмати хабарида.
