"Neftchi" safida o‘tgan mavsumdan buyon faoliyat olib borgan va chempionlik yo‘lida munosib hissa qo‘shgan legioner hujumchi Silvanus Nimely, shuningdek mavsum boshida farg‘onaliklar safiga kelib qo‘shilgan vinger Farhod Sohibjonov yangi mavsumni ijara asosida “Qo‘qon-1912” jamoasida o‘tkazadigan bo‘ldi.
Mazkur ijara kelishuvi uch tomon — futbolchilar va ikkala jamoa uchun ham manfaatli hisoblanadi. Bu qaror o‘yin amaliyotini oshirish, tajriba to‘plash va kelgusida yanada kuchliroq bo‘lib qaytish uchun muhim qadamdir.
«Futbolchilarimizga yangi jamoasida omad, muvaffaqiyat va yorqin o‘yinlar tilab qolamiz!», - deyiladi "yo‘lbarslar" matbuot xizmati xabarida.
