«Ливерпуль» бош мураббийи Арне Слот ва ҳужумчи Муҳаммад Салоҳ ўртасидаги муносабатлар сезиларли даражада яхшиланди. Бу ҳақда Touchline нашри хабар бермоқда.
Манба берган маълумотларга кўра, мисрлик футболчининг Африка Миллатлар Кубогида бўлган вақти томонлар ўртасидаги кескинликни юмшатишга ёрдам берган. Бу вақт ичида ҳам футболчи, ҳам мураббий кўп нарсаларни қайта мушоҳада қилиб олишган.
Муҳаммад Салоҳнинг «Ливерпуль» билан шартномаси 2027 йилнинг ёзига қадар мўлжалланган. Жорий мавсумда ҳужумчи «қизиллар» сафида 27 та ўйин ўтказиб, 7 та гол урди ва 8 та голли узатмани амалга оширди.
