Лондоннинг «Арсенал» клуби бош мураббийи Микель Артета Англия Кубоги доирасида «Уиган»га қарши кечган баҳсдаги (4:0) ярим ҳимоячи Эберечи Эзенинг иштироки ҳақида фикр билдирди.

«Канонирлар» 27-дақиқага келиб рақиб дарвозасини тўрт бор ишғол қилишди ва ўйин тақдирини амалда ҳал қилиб бўлишганди. Эзе ушбу учрашувда иккита голли узатмага муаллифлик қилди.

«Эзе ҳозирданоқ «Арсенал»да муҳим рол ўйнамоқда. У кўплаб ўйинларда иштирок этди ва бундан кейин ҳам мунтазам равишда майдонга тушишда давом этади. Креатив ўйинчилар, айниқса, бундай лаҳзаларга муҳтож — улар айнан ўзлари вазиятларни яратаётганликларини ҳис қилишлари жуда муҳим», — дея Артетанинг сўзларини журналист Фабрицио Романо келтирмоқда.

Эберечи Эзе ўтган йилнинг ёзида «Кристал Пэлас»дан «Арсенал»га ўтган эди. Трансфер қиймати деярли 70 млн еврони ташкил қилган.