«Интер» президенти Беппе Маротта А Серия доирасидаги ўйинда Пьер Калюлюнинг четлатилиши фонида, 2021 йилги «Ювентус»га қарши баҳсда Хуан Куадрадо билан боғлиқ эпизодни ёдга олди.
«Интер» — сўнгги йиллардаги энг муваффақиятли жамоа. Мен симуляциялар билан боғлиқ фақат битта ҳолатни эслайман.
2021 йилги «Ювентус» — «Интер» ўйини, ҳакам Жанпаоло Кальварезе ва Хуан Куадрадо томонидан ишлатилган очиқ-ойдин симуляция. Барча ҳакамлик органлари бу вазиятда аниқ симуляция бўлганини таъкидлашган эди.
Ушбу ғалаба туфайли «Ювентус» ўзига Чемпионлар лигаси йўлланмасини ва салмоқли 60-70 миллион еврони кафолатлаган эди», — деди Беппе Маротта.
2021 йилнинг май ойида «Ювентус» А Сериянинг 37-турида Куадрадонинг 88-дақиқада пенальтидан урган голи эвазига «Интер»ни мағлуб этганди (3:2). Ўшанда туринликлар 78 очко билан жадвалда тўртинчи ўринни эгаллаб, «Наполи»ни бир очкога ортда қолдирган эди.
