«Арсенал» «Реал» ҳимоячиси Виктор Вальдепеньясни сотиб олмоқчи.
Қайд этилишича, футболчи Лондон клубининг асосий номзодлари рўйхатидан жой олган. Микель Артета ёзги трансфер ойнасида жамоа мудофаа чизиғини янада кучайтиришга интилмоқда.
Шундай бўлса-да, «канонирлар» чап қанот ва марказий ҳимоя позицияларида ўйнай оладиган 19 ёшли футболчи учун курашда рақобатга дуч келишлари мумкин, чунки унга Европанинг бир қатор бошқа етакчи клублари ҳам қизиқиш билдирмоқда. «Милан» анчадан бери уни қўлга киритишни истайди, шунингдек, Испания ёшлар терма жамоаси аъзоси Германия Бундеслигаси клублари эътиборини ҳам тортган. Яқинда Виктор Вальдепеньяс «Реал»нинг асосий таркибида дебют қилди.
