"Монако" бош мураббийи Себастьен Поконьоли УЕФА Чемпионлар лигаси плей-офф босқичи доирасидаги "Пари Сен-Жермен"га қарши бўлиб ўтадиган дастлабки ўтиш ўйини ҳақида фикр билдирди.
"Магнес [Аклиуш]нинг учрашувдаги иштироки сўроқ остида. У душанба куни тиббий кўрикдан ўтиши керак, сешанба куни эрталаб эса бизда яна бир машғулот бор. Ламин [Камара]нинг ҳолати ҳам номаълум. Ансу [Фати] ҳам кўрикдан ўтиши лозим, шундай қилиб, бизда потенциал равишда уч нафар футболчининг иштироки шубҳа остида турибди.
Биз ўзимизга ишонишимиз керак, акс ҳолда бу ўйинни ўтказишдан маъно йўқ. Ўйлайманки, футболчилар ажойиб ўйин кўрсатишга ва жавоб учрашуви олдидан ўзларига имконият қолдиришга қатъий қарор қилишган", — дея Поконьолининг сўзларини келтиради УЕФА расмий сайти.
