"Monako" bosh murabbiyi Sebastyen Pokonyoli UYEFA Chempionlar ligasi pley-off bosqichi doirasidagi "Pari Sen-Jermen"ga qarshi bo‘lib o‘tadigan dastlabki o‘tish o‘yini haqida fikr bildirdi.
"Magnes [Akliush]ning uchrashuvdagi ishtiroki so‘roq ostida. U dushanba kuni tibbiy ko‘rikdan o‘tishi kerak, seshanba kuni ertalab esa bizda yana bir mashg‘ulot bor. Lamin [Kamara]ning holati ham noma’lum. Ansu [Fati] ham ko‘rikdan o‘tishi lozim, shunday qilib, bizda potensial ravishda uch nafar futbolchining ishtiroki shubha ostida turibdi.
Biz o‘zimizga ishonishimiz kerak, aks holda bu o‘yinni o‘tkazishdan ma’no yo‘q. O‘ylaymanki, futbolchilar ajoyib o‘yin ko‘rsatishga va javob uchrashuvi oldidan o‘zlariga imkoniyat qoldirishga qat’iy qaror qilishgan", — deya Pokonyolining so‘zlarini keltiradi UYEFA rasmiy sayti.
