«Барселона» ёзги трансфер ойнасида Белгиянинг «Брюгге» клубидан 18 ёшли ҳужумчи Жесси Бисиву билан шартнома имзолашни режалаштирмоқда. Бу ҳақда Mundo Deportivo нашри ёзмоқда.
Бисиву ҳозирча асосий таркибда дебют қилгани йўқ. Ушбу мавсумда унинг ҳисобида клубнинг ёшлар жамоаси сафида барча турнирларда 16 та ўйин, 2 та гол ва 1 та голли узатма мавжуд.
Бисивунинг «Брюгге» билан амалдаги шартномаси 2027 йилнинг ёзига қадар имзоланган. Футболчининг трансфер қиймати — 800 000 евро.













