Бугун, 17 февраль сешанба куни Чемпионлар лигасининг 1/16 финал босқичига старт берилади. Opta суперкомпьютери бўлажак учрашувлар учун ўз тахминларини эълон қилди ва фаворитларни аниқлади.
Плей-офф босқичини «Галатасарой» ва «Ювентус» жамоалари очиб беришади. Турин клуби 44% ғалаба имконияти билан ушбу жуфтлик фаворити сифатида кўрилмоқда.
Мадриднинг «Реал» клуби ҳам сафарда «Бенфика»га қарши баҳсда фаворит (47%). Дортмунднинг «Боруссия»си эса ўз майдонида «Аталанта»ни мағлуб этиши кутилмоқда (47,5%).
Бошқа жуфтликлардаги имкониятлар қуйидагича:
-
«ПСЖ» — «Монако»га қарши ўйинда фаворит (56,5%);
-
«Ньюкасл» — «Қорабоғ» устидан ғалаба қозониш имконияти юқори (63,6%);
-
«Интер» — «Будё-Глимт»ни мағлуб этиши кутилмоқда (53,2%);
-
«Атлетико» — «Брюгге» билан баҳсда устунликка эга (47,5%);
-
«Олимпиакос» — «Байер»га қарши (39,5% имконият билан фаворит деб топилган).
