"Арсенал" устози Микель Артета жамоа етакчиларидан бири — Букайо Саканинг универсаллиги ҳақида ўз фикрларини билдирди.
"Сака "ўнлик" позициясида? Ўйлашимча, бу унга ёқади. У ўзига чақирув ташлайдиган ҳар қандай нарсани хуш кўради. Ниманидир исботлаши керак бўлган ҳар қандай вазият унинг ичида олов ёқади. Бу ижобий ҳолат. Вазиятдан келиб чиқиб, биз Саканинг позицияси билан боғлиқ турли вариантлардан фойдаланишимиз мумкин. Бу жуда ажойиб", — деди Артета матбуот анжуманида.
Микель Артета ҳозирда "Арсенал"ни Англия чемпионати доирасидаги "Вулверхэмптон"га қарши сафар ўйинига тайёрламоқда. Жамоалар чоршанба, 18 февраль куни ўзаро тўқнаш келишади.













