Чемпионлар лигасининг 2025/2026 йилги мавсуми плей-офф босқичи доирасида Дортмунднинг «Боруссия» ва Бергамонинг «Аталанта» жамоалари ўртасидаги илк тўқнашув якунланди. Дортмунддаги (Германия) стадионда бўлиб ўтган баҳсда мезбонлар 2:0 ҳисобида ғалаба қозонишди. Учрашувни нидерландиялик бош ҳакам Сердар Гёзюбююк бошқариб борди.

Ўйиннинг 3-дақиқасидаёқ Серу Гирасси ҳисобни очди ва дортмундликларни олдинга олиб чиқди. 42-дақиқада Максимилиан Байер немис жамоасининг устунлигини икки бараварга оширди.

Жавоб учрашуви 25 февраль куни бўлиб ўтади. Чемпионлар лигасининг умумий босқичи якунларига кўра, Германия жамоаси 11 очко билан 17-ўринни, Италия клуби эса 13 очко билан 15-ўринни эгаллаган эди.

Эслатиб ўтамиз, турнирнинг жорий мавсумдаги финал баҳси Будапештдаги «Пушкаш Арена» стадионида бўлиб ўтади. Мусобақанинг ҳал қилувчи ўйини 2026 йил 30 майга белгиланган.

Европа Чемпионлар лигаси, Ўтиш ўйини

«Боруссия Д» (Германия) — «Аталанта» (Италия) — 2:0

Голлар: Гирасси, 3 (1:0). Байер, 42 (2:0).

«Боруссия Д»: Кобель, Антон, Бенсебаини, Реджани, Беллингем, Нмеча (Забитцер, 83), Свенссон, Рюэрсон, Брандт (Чуквуэмека, 70), Байер (Адейеми, 70), Гирасси (Силва, 83).

«Аталанта»: Карнесекки, Джимсити (Хин, 46), Колашинац, Коссуну, Эдерсон, де Рон (Сулемана, 63), Бернаскони, Дзаппакоста (Белланова, 72), Пашалич, Залевски (Самарджич, 82), Скамакка (Крстович, 46).

Огоҳлантиришлар: Реджани, 18. Антон, 48 — Джимсити, 40. Коссуну, 40. Скамакка, 45.