Chempionlar ligasining 2025/2026 yilgi mavsumi pley-off bosqichi doirasida Dortmundning «Borussiya» va Bergamoning «Atalanta» jamoalari o‘rtasidagi ilk to‘qnashuv yakunlandi. Dortmunddagi (Germaniya) stadionda bo‘lib o‘tgan bahsda mezbonlar 2:0 hisobida g‘alaba qozonishdi. Uchrashuvni niderlandiyalik bosh hakam Serdar Gyozyubyuyuk boshqarib bordi.

O‘yinning 3-daqiqasidayoq Seru Girassi hisobni ochdi va dortmundliklarni oldinga olib chiqdi. 42-daqiqada Maksimilian Bayer nemis jamoasining ustunligini ikki baravarga oshirdi.

Javob uchrashuvi 25 fevral kuni bo‘lib o‘tadi. Chempionlar ligasining umumiy bosqichi yakunlariga ko‘ra, Germaniya jamoasi 11 ochko bilan 17-o‘rinni, Italiya klubi esa 13 ochko bilan 15-o‘rinni egallagan edi.

Eslatib o‘tamiz, turnirning joriy mavsumdagi final bahsi Budapeshtdagi «Pushkash Arena» stadionida bo‘lib o‘tadi. Musobaqaning hal qiluvchi o‘yini 2026 yil 30 mayga belgilangan.

Yevropa Chempionlar ligasi, O‘tish o‘yini

«Borussiya D» (Germaniya) — «Atalanta» (Italiya) — 2:0

Gollar: Girassi, 3 (1:0). Bayer, 42 (2:0).

«Borussiya D»: Kobel, Anton, Bensebaini, Redjani, Bellingem, Nmecha (Zabitser, 83), Svensson, Ryuerson, Brandt (Chukvuemeka, 70), Bayer (Adeyemi, 70), Girassi (Silva, 83).

«Atalanta»: Karnesekki, Djimsiti (Xin, 46), Kolashinas, Kossunu, Ederson, de Ron (Sulemana, 63), Bernaskoni, Dzappakosta (Bellanova, 72), Pashalich, Zalevski (Samardjich, 82), Skamakka (Krstovich, 46).

Ogohlantirishlar: Redjani, 18. Anton, 48 — Djimsiti, 40. Kossunu, 40. Skamakka, 45.