Чемпионлар лигаси плей-офф босқичининг илк учрашувида Мадриднинг «Атлетико» клуби сафарда Бельгиянинг «Брюгге» жамоаси билан тўқнаш келади. «Матрасчилар» устози Диего Симеоне бўлажак баҳс ҳақида фикр билдирди.
«Атлетико» «Барселона», «Марсель» ва «Монако»га қарши муносиб ўйин кўрсатган кучли рақибга дуч келади. Бу ёш, аммо аллақачон тажриба тўплашга улгурган жамоа. Уларнинг ҳужум чизиғи жуда тезкор. Бу осон бўлмаган тўқнашув бўлади, лекин биз ғалаба қозонишимиз керак. Вазифамиз — турнирнинг кейинги босқичига йўл олиш», — дея аргентиналик мутахассиснинг сўзларини келтирмоқда УЕФА матбуот хизмати.
«Брюгге» — «Атлетико» учрашуви бугун, 18 февраль куни бўлиб ўтади. Ўйин Тошкент вақти билан соат 01:00 да бошланади.
