«Ливерпуль» ярим ҳимоячиси Флориан Вирц «Бавария»нинг қизиқишлар доирасига тушиб қолди. Бу ҳақда Германия ОАВлари хабар бермоқда.
Бир неча ҳафта олдин Мюнхен клуби вакиллари Вирцнинг агенти ҳисобланган отаси билан боғланиб, футболчининг эҳтимолий трансферига қизиқиш билдиришган. Бироқ Вирцнинг отаси ўғли фаолиятининг катта қисмини «Ливерпуль»да ўтказиш ниятида эканлигини ва бошқа жамоага ўтиш ҳақида ўйламаётганини маълум қилди.
Эслатиб ўтамиз, ўтган йилнинг ёзида «Бавария» Вирцни ўз сафига қўшиб олишга ҳаракат қилган эди. Аммо ўшанда ярим ҳимоячи «Ливерпуль» вариантини танлаган.
