«Барселона» президенти Жоан Лапорта Лионель Мессининг клубга қайтиши мумкинлиги борасида навбатдаги бор фикр билдирди.
Яқин орада Каталония грандининг янги президенти учун сайловлар бўлиб ўтади ва афсонавий аргентиналик футболчи билан келажакда қайта бирлашиш эҳтимоли энг кўп муҳокама қилинаётган мавзулардан бири бўлиб қолмоқда.
«Мессининг қайтиши? Шуни айтишим мумкинки, у шубҳасиз ўз шарафига ўрнатиладиган ҳайкалга ва алоҳида учрашувга лойиқдир. Ҳозирда унинг «Интер Майами» билан шартномаси бор», — дея Лапортанинг сўзларини келтиради Barca Universal.
