Колумбиялик ҳужумчи "Бавария" футболчиси Луис Диас жорий мавсумда требл ютуш имконияти ҳақида фикр билдирди.
"Биз нима хавф остида эканини ва нимани хоҳлаётганимизни тушунамиз. Бизнинг мақсад — барча мусобақаларда имкон қадар узоққа бориш ва тўлиқ куч билан ўйнаш. Биз ҳар бир соврин учун курашмоқчимиз. Бизнинг жуда яхши жамоамиз, ажойиб оиламиз бор… жуда жипс, камтар ва меҳнаткаш оила. Мавсум охирида жуда фахрланишимиз ва бахтли бўлишимизни биламан", — деди Диас журналист Керри Хауга берган интервьюсида.
22 турдан сўнг "Бавария" Германия чемпионати мусобақа жадвалида 57 очко билан пешқадам бўлиб турибди. Мамлакат кубогида Венсан Компани шогирдлари ярим финалгача етиб келди, Чемпионлар лигасида эса тўғридан-тўғри 1/8 финалга йўл олди.
