«Ливерпуль» ҳужумчиси Александр Исак Премьер-лиганинг декабрь ойида «Тоттенхэм»га қарши кечган ўйинида жиддий жароҳат олган эди. Шунга қарамай, швециялик футболчида жорий мавсумда майдонга тушиш имконияти ҳали ҳам сақланиб қолмоқда. Бу ҳақда «қизиллар» устози Арне Слот маълум қилди.
«Жароҳатлар билан боғлиқ вазиятда ҳамма нарса доим жараённинг режа бўйича кетиши ёки кичик ортга кетишлар бўлиш-бўлмаслигига боғлиқ. Умид қиламанки, Исак тахминан март ойининг охири ёки апрель бошларида сафга қайтади», — деди Слот журналистларга.
«Ливерпуль» навбатдаги ўйинини якшанба куни, 22 февраль санасида сафарда «Ноттингем Форест»га қарши ўтказади. Ҳозирда мерсисайдликлар Премьер-лига турнир жадвалида олтинчи ўринни эгаллаб туришибди.
