«Атлетико» «Тоттенхэм» ҳужумчиси Ришарлисоннинг хизматларига қизиқиш билдирмоқда.
Қайд этилишича, Мадрид клуби бош мураббийи Диего Симеоне ёзги трансферга аллақачон розилик берган. Мутахассиснинг фикрича, бразилиялик футболчи ҳужум чизиғига шиддат, ҳаракатчанлик ва агрессивлик олиб кириши мумкин. Ҳозирги вақтда Ришарлисон учун курашда «Фламенго» фаворит бўлиб турибди.
Жорий мавсумда Ришарлисон «Тоттенхэм» сафида 31 та ўйинда майдонга тушди. Уларда ҳужумчи саккизта гол урди ва учта голли узатмани амалга оширди.
