«Пари Сен-Жермен» клуби бош мураббийи Луис Энрике ҳужумчи Усмон Дембеленинг жароҳати борасида ўз фикрларини билдирди.

28 ёшли футболчи Чемпионлар лигаси доирасида «Монако»га қарши кечган сўнгги учрашувда шикастланиб, баҳснинг 27-дақиқасидаёқ алмаштирилган эди. Тахминларга кўра, «Олтин тўп» соҳиби Франция Лиги 1 доирасида шанба куни «Мец»га қарши бўлиб ўтадиган ўйинни ўтказиб юборади.

«Дембеле жароҳат олган. Биз ўз футболчиларимизни жуда яхши биламиз. Бизнинг ёндашувимиз оддий — ҳеч қачон ҳеч кимнинг соғлиғини хавф остига қўймаймиз ва ҳар бир ўйинчига имкон қадар ғамхўрлик қилишга ҳаракат қиламиз. Бироқ жароҳатлар бундай юқори даражадаги футболнинг ажралмас қисмидир», — дея таъкидлади Энрике матбуот анжуманида.

«ПСЖ» – «Мец» учрашуви Тошкент вақти билан тунги соат 01:05 да бошланади.