«ПСЖ» бош мураббийи Луис Энрике Франция чемпионати доирасидаги «Мец»га қарши бўлажак ўйин ҳақида ўз фикрлари билан ўртоқлашди.
«Биз ўйин тизгинини назорат қиламиз, чунки бу жуда муҳим баҳс. «Ланс»га босим ўтказиш учун бизга уч очко керак. Аммо турнир жадвалининг қуйи қисмидаги жамоаларга қарши бирорта ўйин муаммосиз ўтганини эслай олмайман. Биз бу ўйинда ғалаба қозонишимиз шарт, шунинг учун яхши тайёргарлик кўришимиз керак», — дея Энрикенинг сўзларини келтиради PSG Report.
«ПСЖ» ва «Мец» ўртасидаги учрашув бугун, 21 февраль куни бўлиб ўтади. Лига 1нинг 23-туридан ўрин олган ушбу баҳс Тошкент вақти билан соат 01:05 да (22 февралга ўтар кечаси) бошланиши режалаштирилган.
