Лондоннинг "Челси" клуби шарафини ҳимоя қилаётган аргентиналик хавбек Энцо Фернандес "нафақахўрлар" билан янги меҳнат шартномасини имзоламоқчи. Бу ҳақда The Athletic журналистлари хабар бермоқда.
Манбага маълум бўлишича, ярим ҳимоячи "Реал"нинг қизиқишларидан фойдаланиб, Лондонда пул жиҳатидан фойдалироқ шартномага эга бўлмоқчи. Энцо ва "Челси" ўртасидаги амалдаги шартнома 2032 йилнинг ёзида якунига етади.
Аргентиналик футболчининг трансфер нархи 85 миллион еврони ташкил этади. Жорий мавсумда Фернандес 39 та учрашувда иштирок этиб, 11 та гол ва 4 та голли узатмани ўз ҳисобига ёздириб қўйди.
