"Милан" собиқ устози Паулу Фонсека Италия клубидаги фаолияти даврини ёдга олди.
"Мен "Милан"да кўпроқ вақт берилишига лойиқ эдим. "Милан" — ажойиб клуб ва у ерда ишлаш менга жуда ёққанди. Етарлича вақтим бўлмаганидан жуда афсусдаман. Уларнинг ғояси ўйин услубини ҳужумкорроқ йўналишга ўзгартириш эди. Кўп йиллар давомида шаклланган нарсани ўзгартириш эса осон эмас", — дея Фонсеканинг сўзларини келтиради "The Athletic".
Эслатиб ўтамиз, Фонсека 2024 йилнинг июлидан декабрига қадар "Милан"ни бошқарган эди. Ҳозирда 53 ёшли португалиялик мутахассис Франциянинг "Лион" клуби бош мураббийи ҳисобланади.
Ҳозирда Массимилиано Аллегри қўл остидаги "Милан" Италия чемпионати турнир жадвалида 54 очко билан иккинчи ўринни эгаллаб турибди.
