«Челси» АПЛнинг 27-турида «Бёрнли» билан дуранг ўйнади (1:1). Лондонликлар 4-дақиқадан бошлаб ҳисобда олдинда боришган эди, бироқ 93-дақиқада гол ўтказиб юборишди.

72-дақиқадан бошлаб, Уэсли Фофана майдондан четлатилгач, майдон эгалари бир киши кам бўлиб ўйнашди.

Лиэм Росеньор қўл остида Англия чемпионатида ўтказилган 6 та ўйинда «Челси» ҳали бирор марта мағлубиятга учрамади — 4 та ғалаба ва сўнгги икки ўйинда иккита дуранг.

Ҳозирда лондонликлар 45 очко билан турнир жадвалида 4-ўринни эгаллаб туришибди, бироқ тур якунларига кўра пастроққа тушишлари ҳам мумкин.

Чемпионатнинг навбатдаги турида «Челси» меҳмонда «Арсенал» билан тўқнаш келади. Ушбу баҳс 1 март куни бўлиб ўтади.