«Chelsi» APLning 27-turida «Byornli» bilan durang o‘ynadi (1:1). Londonliklar 4-daqiqadan boshlab hisobda oldinda borishgan edi, biroq 93-daqiqada gol o‘tkazib yuborishdi.
72-daqiqadan boshlab, Uesli Fofana maydondan chetlatilgach, maydon egalari bir kishi kam bo‘lib o‘ynashdi.
Liem Rosenyor qo‘l ostida Angliya chempionatida o‘tkazilgan 6 ta o‘yinda «Chelsi» hali biror marta mag‘lubiyatga uchramadi — 4 ta g‘alaba va so‘nggi ikki o‘yinda ikkita durang.
Hozirda londonliklar 45 ochko bilan turnir jadvalida 4-o‘rinni egallab turishibdi, biroq tur yakunlariga ko‘ra pastroqqa tushishlari ham mumkin.
Chempionatning navbatdagi turida «Chelsi» mehmonda «Arsenal» bilan to‘qnash keladi. Ushbu bahs 1 mart kuni bo‘lib o‘tadi.
