Саудия Про-Лигасининг 23-туридан ўрин олган «Ал-Ҳилол» ва «Ал-Иттиҳод» жамоалари ўртасидаги учрашув якунланди. Ар-Риёддаги «Кингдом Арена» стадионида кечган баҳс 1:1 ҳисобидаги дуранг билан ниҳоясига етди.
Ўйиннинг тўққизинчи дақиқасида меҳмонлар ҳимоячиси Ҳассан Кадеш қизил карточка олиб, майдонни тарк этди. Учрашувда ҳисобни олтинчи дақиқадаёқ «Зенит»нинг собиқ аъзоси Малком очган эди. Бироқ 53-дақиқага келиб, «Ал-Иттиҳод» ярим ҳимоячиси Уссем Ауар мувозанатни тиклашга муваффақ бўлди.
Таъкидлаш жоизки, яқинда «Ал-Иттиҳод»дан «Ал-Ҳилол»га ўтган ҳужумчи Карим Бензема собиқ жамоасига қарши тўлиқ ўйин ўтказди, аммо самарали ҳаракатлари билан ажралиб тура олмади.
Айни дамда «Ал-Ҳилол» 22 та ўйиндан сўнг 54 очко жамғариб, турнир жадвалида иккинчи ўринда бормоқда. Жадвални 55 очко билан «Ан-Наср» бошқариб бормоқда. «Ал-Иттиҳод» эса 38 очко билан олтинчи поғонада жойлашган.
Саудия Про-лигаси. 23-тур
22.02.2026 | 00:00
«Қирол Фаҳд» халқаро стадиони, Ар-Риёд
«АЛ-ҲИЛОЛ» — «АЛ-ИТТИҲОД» — 1:1
Голлар: Малком 5’ (1:0), Ауар 53’ (1:1).
«Ал-Ҳилол»: Буну, Эрнандез (Н. Ал-Давсари, 86), Кулибали, Ал-Тамбакти, Ал-Арби (Ал-Ями, 69), Рубен Невеш, С. Ал-Давсари, Канно (Буабре, 69), Милинкович-Савич, Малком, Бензема.
«Ал-Иттиҳод»: Райкович, Кадеш, Шараҳили (Ал-Нашри, 72), Данилу Перрейра, Шанқити, Ауар, Фабинью, Думбия (Фаллатах, 90), Митай, Эн-Несири, Диаби (Ал-Гамди, 88).
Огоҳлантиришлар: Ал-Нашри (83), Ауар (85).
Четлатиш: Кадеш (9).
