Икки кун олдин йиғин бошлаган ва Жаҳон чемпионати саралашининг бешинчи раундига тайёргарлик кўраётган Ўзбекистон миллий терма жамоаси бугун иккига бўлинган ҳолда ўзаро ўйин ўтказди.

Тошкентдаги "ЖАР" стадионида бўлиб ўтган ўйинда жамоаларнинг бирига Миржалол Қосимов, иккинчисига Аҳмаджон Мусаевлар мураббийлик қилганлар. Бу ҳақда ЎФФ матбуот котиби Санжар Ризаев ўз твиттерида маълум қилган.

Ўйин 3:0 ҳисобида Қосимов жамоасининг ғалабаси билан якун топган бўлиб, эътиборли томони барча голларга "Пахтакор" аъзоси Жамшид Искандеров муаллифлик қилган.

Назорат учрашуви
14 август, чоршанба
Ўзбекистон (Қосимов жамоаси) – Ўзбекистон (Мусаев жамоаси) – 3:0
Голлар: Жамшид Искандеров (17, 30, 72)

Ўзбекистон (Қосимов жамоаси):Александр Лобанов, Артем Филипосян, Ислом Иномов, Ислом Тўхтахўжаев, Жасур Ҳасанов, Жаҳонгир Абдумўминов, Олег Зотеев, Жамшид Искандеров, Жасур Ҳасанов, Дилшод Жабборов, Отабек Исроилов.
Захирадагилар: Элдор Суюнов, Салим Мустафоев, Диёр Туроп

Ўзбекистон (Мусаев жамоаси): Санжар Қувватов, Шохруҳ Гадоев, Дилшод Жўраев, Акмал Шорахмедов, Сардор Раҳмонов, Владимир Козак, Шерзод Каримов, Садриддин Абдуллаев, Сардор Рашидов, Иван Нагаев, Игорь Сергеев.
Захирадагилар: Асилбек Омонов, Аббос Махсталиев, Алибобо Раҳматуллаев.